Ae Khasa e Khasan e Rusul waqt e duaa hai

Ae Khasa e Khasan e Rusul waqt e duaa hai

Ummat pe tiree aakay ajab waqt para hai

jo deen barhi shaan say nikla tha, watan say

pardais mein woh aaj ghareeb-ul-ghuraba hai

Jiss Deen Nay Ghairo kay thay Dil aakay Milaaye

iss deen mein khud bhai say ab bhai judaa hai

Jo Deen Ke Hamdard e Bani Nao e Bashr Tha

Ab Jang o Jadal Char Taraf Es Mein Bpa Hai

Faryaad hai aye kashti-e-ummat kay nigehbaan

beira yeh tabaahi kay qareeb aa lagaa hai

Kar Haq Se Dua Umat e Marhoom ke haq mein

Khatroon mein bohat jis ka jahaz aa ke ghira hai

Hum naik hain ya bad hain phir aakhir hain tumhare

Nisbat bohat achi hai agar Haal bura hai

tadbeeer sambhalney ki hamarey nahin koi

haan aik DUA teri ke maqbool e KHUDA hai

woh deen, huee bazm-e-jahaan’, jiss say charaaghaan’

aaj iski majaaliss mein na batti na diyaa hai

jo deen keh tha shirk say aalam ka nigehbaan

ab iska nigehbaan’, agar hai, to KHUDA hai

Jis Deen Ke Madoow Thay Kabhi Qaisar o Qisra

Khud Aaj Woh Mahmaan Sara e Fuqra Hai

Jo TafarrQay Aqwaam Ke Aya Tha Mitaney

Ess Deen Mein Khud TafarrQa Ab Aa Ke Para Hai

Jis Deen Ka Tha Faqr Bhee Akseer , Ghina Bhee

Es Deen Mein Ab Faqr Hai Baqi Na Ghina Hai

Jis Deen Ki Hujjat Se Sab Adyaan They Maghloob

Ab Mautraz Es Deen Pe Har Harz e Draa Hai

Hai Deen Tera Ab Bhe Wohi Chasma Saafi

Deen Daroun Mein Par Ab Hai Baqi Na Saffa Hai

Aalam Hai Soo Be Aqal Hai , Jahil Hai So Wahshi

Munam Hai So Maghroor Hai , Muflis So Gadda Hai

Yaan Raag Hai Din Raat Widaan Rang Shab o Rooz

Yeah Majlis Aayaan Hai woh Bazm e Shurafa Hai

Chotoon Mein Ataaet Hai Na Shafqat Hai Baron Mein

Pyaroon Mein Muhabat Hai Na Yaroon Mein Wafa Hai

Dolat Hai Na Ezat Hai Na Fazeelat Na Hunar Hai

Ek Deen Hai Baaqi So Woh Be Barg o Nawa Hai

Hai Deen Ki Dolat Se Baha Ilm Se Ronaq

Hai Dolat o Ilm Es Mein Na Ronaq Na Baha Hai